• Beskyttede Betegnelser
• Products
• Eplejuice frå Hardanger/Eplemost frå Hardanger

«Eplejuice frå Hardanger» har status som ei «Beskytta geografisk nemning». Det sikrar ekte produkt og tek vare på vår nasjonale mattarv.

Eplejuice frå Hardanger har ein lett syrleg og svært aromatisk smak, som kjem av det gode vekstmiljøet for eple i Hardanger. Eplejuice frå Hardanger er ikkje tilsett sukker, og er kjend for den friske, lett syrlege og aromatiske smaken.

• Eplejuice frå Hardanger/Eplemost frå Hardanger skal vere laga av eple som er dyrka og pressa i Hardanger. Hardanger omfattar kommunane Jondal, Kvam, Granvin, Ulvik, Eidfjord, Ullensvang og Odda.
• Samanhengen mellom jordsmonn, klima og dyrkingstradisjonar er så godt dokumentert at Eplejuice frå Hardanger har fått status som ei Beskytta geografisk nemning.
• Beskyttelsen inneber at berre eplejuice som er produsert i Hardanger med eple frå same region, kan bruke namnet «Eplejuice/Eplemost frå Hardanger».

Litt eplehistorie

Epleeventyret i Hardanger begynte for over 700 år sidan. Dyrkinga av eple har vore ein sentral del av jordbruket i området sidan 1300-talet, og gjennom åra har kunnskapen og utvalet av eplevariantar stadig utvikla seg.

Historien om epledyrkinga i Hardanger starta med ankomsten av engelske munkar på 1100-talet. Desse munkane tok med seg kunnskap om hagebruk og dyrking av eple til Hardanger. Etter reformasjonen på 1500-talet forsvann kunsten å pode, og i ein periode vart det berre dyrka små, ekte eple. Det var fyrst på slutten av 1700-talet og gjennom 1800-talet at epledyrkinga igjen blomstra opp. Prestar og «lærde menn» introduserte nye eplevariantar og lærte bøndene kunsten å pode.

Hardanger: det perfekte klimaet

Klimaet og jordsmonnet i Hardanger er ideelt for epledyrking, og gir eple unike eigenskapar. Kalde vinterar sikrar rikelig blomstring kvart år, og det kjølege klimaet og den lyse vekstsesongen gir eple med ein frisk og syrleg smak takka vere høgt innhald av karakteristiske fruktsyrer, inkludert mykje C-vitamin.

Samtidig gir det varme og solrike sommarklimaet epla sødme. Dei kjølege nettene om hausten aukar syre- og sukkerinnhaldet like før haustinga, samtidig som dei gir epla den tiltalande raude fargen. Balansen mellom syre og sukker kjenneteiknar eple dyrka i Hardanger.

Eit landskap(t) for eple

I Hardanger har ein faktisk brukt eple til å lage most og juice heilt tilbake til 1700-talet. Denne lange historia og erfaringa har bidratt til å perfeksjonere prosessen, og sikre den høge kvaliteten på dagens eplejuice og eplemost.

Autentiske eplejuice

Eplejuice frå Hardanger og Eplemost frå Hardanger har fått merket Beskytta geografisk nemning. Nokre av grunnane til dette er produksjonen av eplejuicen. Den er grundig og handverksmessig utført. Med unntak av sjølve tappinga på kartong, skjer heile produksjonsprosessen i Hardanger. Dette betyr at epla blir dyrka, hausta og pressa i området for å bevare den autentiske smaken og kvaliteten.

• Forskrift om vern av produktnemninga Eplejuice frå Hardanger som beskytta geografisk nemning